Янги аэропорт учун мўлжалланган ҳудудда мавжуд мулклар қийматининг асоссиз ошишини олдини олиш мақсадида бир қатор чекловлар жорий этилди.
Бу ҳақда Тошкент вилояти кадастр бошқармаси матбуот хизмати хабар берди.
Эндиликда мазкур ҳудудда ер участкаларини янги фойдаланувчиларга тақсимлаш, ҳуқуқни расмийлаштириш, янги лойиҳаларни амалга ошириш ҳамда қурилиш ишларини олиб бориш вақтинча тўхтатилади.
Шунингдек, ҳудуд тўлиқ хатловдан ўтказилиб, турар ва нотурар бинолар ҳамда қишлоқ хўжалиги ерлари эгаларига етказиладиган зарарни қоплаш учун компенсация миқдори аниқланади.
Янги халқаро аэропорт қурилиши учун Тошкент вилоятининг Ўрта Чирчиқ ҳамда Қуйи Чирчиқ туманларидан жами 1309,76 гектар ер майдони ажратилиши режалаштирилмоқда.
Тошкент вилояти ҳокими Зойир Мирзаев 11 август куни «Ҳокимлик соати» йиғилишида Тошкент вилоятида қурилиши режалаштирилган янги халқаро аэропорт Ўрта Чирчиқ туманида жойлашиши мумкинлиги ҳақида гапирди.
Тошкент вилоятида янги халқаро аэропорт қурилиши бошланиши кутилмоқда. Бу ҳақда Транспорт вазири Илҳом Маҳкамов ва "Uzbekistan Airports" компанияси раҳбари Жавлонбек Умархўжаев “Ўзбекистон 24” телеканалига берган интервьюсида маълумот берди.
“Тошкент халқаро аэропорти” чегара-божхона пости ходимлари томонидан қиймати қарийб 250 млн. сўмлик қимматбаҳо металл ва қимматбаҳо тошлардан ишланган қўл соатлари ва заргарлик буюмларининг ноқонуний олиб кирилишига чек қўйилди.
