“Президент арчаси” ҳамда “Янги йил байрами” тадбирлари ўтказиладиган жойларда ҳаракат хавфсизлигини таъминлашга 2 минг 325 нафар йўл ҳаракати хавфсизлиги хизмати ходими сафарбар этилган бўлиб, байрам тадбирлари ўтказиладиган жойлардан 150 метр узоқликда 282 автотураргоҳ ташкил этилди.

Бундан ташқари, тадбир ўтказиладиган жойларда йўл ҳаракати хавфсизлигини таъминлаш мақсадида 177 кўчани жисмоний ёпиш учун жами 851 та “Бдо-5” бетон ва темир тўсиқлар ёрдамида транспорт воситаларининг ҳаракати чекланди. Объектларга олиб келувчи йўлларга қўшимча йўл белгилари ўрнатилди.

Аҳоли гавжум бўладиган тунгги кўнгилочар жойлар атрофида транспортни етказиб бериш хизматлари ташкил этилди.