Бу ҳақда ТЕРCО оператор-компанияси вакиллари брифингида маълум қилишди.
Оператор-компания вакиллари яқин вақт ичида иккинчи энергоблокдаги қолдиқларни қисман олиб ташлашга тайёргарлик ишлари бошланиши ҳақида хабар беришди. Шу билан бирга, ТЕРCО ҳозирча ушбу операциянинг вақти ҳамда харажатларига аниқ тўхталиб ўтмади.
24 август куни ТЕРCО компанияси аввал шикастланган реакторларни совитиш учун хизмат қилган, кейин эса ALPS тизимида тозаланган сувни океанга оқизишни бошлади.
ТЕРCО ва Япония расмийларининг сувнинг оқизилиши атроф-муҳит ва одамлар учун хавф туғдирмайди, деган даъволарига қарамай, Хитой ва бошқа бир қатор давлатлар бундай ҳаракатларни кескин танқид қилди. Хусусан, ХХР барча япон денгиз маҳсулотларини импорт қилишни тақиқлади ва Япониянинг бошқа маҳсулотларига нисбатан божхона назоратини кучайтирди. Шунингдек, 16 октябрь куни Россельхознадзор Хитойнинг Япониядан балиқ маҳсулотларини етказиб берилишини чеклаш бўйича чораларига қўшилганини эълон қилди, деб хабар беради ria.ru.
