Соҳил хавфсизлик хизмати ҳозиргача тўққиз кишини сувдан олиб чиққан. Шифокорлар улардан етти нафарининг ўлимини тасдиқлади, яна икки нафарининг аҳволи ҳақида хабар берилмади.

Кема бортида жами 11 нафар экипаж аъзоси бўлган, улардан 8 нафари Индонезия, 2 нафари Жанубий Корея ва 1 нафари Хитой фуқароларидир.

Икки кишини қидириш ишлари давом этмоқда. Операцияга Соҳил хавфсизлик хизмати вертолётлари ва қайиқлари жалб қилинган, деб хабар беради tass.ru.