Замонавий университет — бу:

- очиқ ва динамик тарзда ривожланаётган, юқори сифатли таълим берадиган муассаса;

- глобал фикрлай оладиган, глобал таълим берадиган даргоҳ;

- салмоқли назарий билимлар жамлаган улкан академик мактаб;

- фанлар ва соҳалараро илмий тадқиқотлар маркази;

- меҳнат бозорида ўз ўрнини топа оладиган юқори малакали кадрлар тайёрлайдиган маскан;

- талабаларга нафақат билим берадиган, балки уларни катта ҳаётга тайёрлайдиган даргоҳ;

- таълим, фан, инновация ва илмий-тадқиқотлар натижаларини тижоратлаштира оладиган платформа;

- мамлакат соҳа ва ҳудудларининг ижтимоий-иқтисодий ривожланишини тадқиқ қилувчи ва прогнозлаштирувчи илмий-амалий муассаса;

- олий таълимнинг инвестициявий жозибадорлигини ошириб, хорижий таълим ва илм-фан технологияларини жалб эта оладиган ҳамжамият;

- профессор-ўқитувчи ва талабалар учун соғлом рақобат муҳитини яратиб берадиган маскан;

- таълим ва ишлаб чиқариш корхоналари ва илмий тадқиқот институтлари билан ўзаро манфаатли ҳамкорлигини таъминлай оладиган кўприк;

- академик, молиявий ва бошқарув мустақиллигига эга муассаса;

- рақамлаштирилган, инсон омили минимал бўлган, коррупциядан холи ташкилот;

- халқаро алоқалар тармоғи кенг бўлган, хорижий ТОП университетлар билан қўшма дастурларни йўлга қўйган платформа;

- зиёли инсонлар учун магнит кучига эга файзли даргоҳ.