Иштироки давлат дар иқтисодиёт тадриҷан кам шуда, ҳиссаи сектори хусусӣ босуръат меафзояд. Дар солҳои 2021-2022 камаш 3 баробар коҳиш додани миқдори корхонаҳо бо ҳиссаи давлат ба нақша гирифта шудааст. Аз аввали сол то ин дам ба маблағи 4,5 триллион сӯм 619 активҳои давлат фурӯхта шуданд.

Президенти Ҷумҳурии Ӯзбекистон Шавкат Мирзиёев дар суханронии худ дар маросими ба вазифа шурӯъ намудан гуфт, ки тезондани равандҳои трансформатсия ва хусусигардонии корхонаҳои давлатӣ яке аз самтҳои афзалиятноки ислоҳоти иқтисодӣ хоҳад буд.

Дар ҷамъомад чораҳои зарурӣ дар ин самт муҳокима шуданд.

Сарвари давлат таъкид кард, ки масъалаи асосӣ ҷорӣ намудани усулҳои нави хусусигардонӣ ва таъмини шаффофият дар ҳама марҳилаҳо мебошад.

Аҳамияти баланд бардоштани устувории молиявӣ ва ҷолибияти сармоягузории корхонаҳои хусусигардонидашуда қайд гардид. Бо ин мақсад вазифа гузошта шуд, ки стратегияи хусусигардонии корхонаҳои бузурги саноатӣ бо ҷалби мушовирони бонуфузи хориҷӣ таҳия карда шавад.

Зарурати ҷалби менеҷерҳои дараҷаи байналмилалӣ ба идоракунии корхонаҳои стратегӣ таъкид шуд. Муайян гардид, ки дар ҷараёни фурӯши активҳои арзишашон беш аз 10 миллион доллар қабул ва арзёбии пешниҳодҳо аз ҷониби мушовири мустақили хориҷӣ анҷом дода мешавад.

Вазифаҳо барои соли оянда муайян карда шуданд. Ҳамин тариқ, фурӯхтани 32 активи бузурги давлатӣ, хусусигардонии “Ўзсаноатқурилишбанк”, инчунин ба фурӯш гузоштани 368 активҳои ғайрисоҳавӣ ва бесамари корхонаҳои давлатӣ ба нақша гирифта шудааст. Дар минтақаҳо 770 актив ба фурӯш омода шудааст. Пешбинӣ шудааст, ки аз ҳисоби ин ба бюҷет қариб 10 триллион сӯм дохил мегардад. Ба шахсони масъул дастур дода шуд, ки корро дар ин самт тезонанд.

Президент зарурати ҷалби сармоягузорони стратегиро ба корхонаҳои давлатӣ, маҳдуд нашудан танҳо бо истифода аз иқтидорҳои мавҷуда, балки васеъ гардондани фаъолияти корхонаҳоро таъкид кард.

Масалан, дар пойгоҳи «Навоиазот» кластери саноати кимиё бо ташкили се корхонаи алоҳида созмон дода мешавад. Барои идоракунии инфрасохтори кластер оператори хусусии ботаҷриба ҷалб карда мешавад.

Сарвари давлат муҳим будани онро таъкид намуд, ки сармоягузорон дар баробари сармоягузорӣ лоиҳаҳои нав пешниҳод кунанд, донишу технологияҳои муосирро ҷорӣ намоянд.

Ба шахсони масъул супориш дода шуд, ки бо назардошти вазифаҳои ба миён гузошташуда барномаи хусусигардониро барои соли 2022 таҳия намоянд.