Пойтахт ИИББ Ахборот хизматининг хабар беришича, ушбу ходимлардан бири туман электр таъминоти бўлимида бош муҳандис лавозимида, иккинчиси эса электр уста сифатида ишлаган.
Улар фуқаро томонидан берилган 10 минг АҚШ долларини олаётган вақтда, ҳолислар иштирокида далилий ашё билан ушланди.
Ҳуқуқ-тартибот органлари эслатишича, электромобиллар учун қувватловчи ускуна ўрнатиб тадбиркорлик қилиш истагида бўлган шахслар аввало «Ягона дарча» орқали мурожаат қилишлари лозим. Шундан сўнг, электр тармоқлари корхонаси ҳудуднинг техник ва инфратузилма ҳолатини ўрганади, керакли ҳужжатларни текширади.
Агар аризачи томонидан кўрсатилган жой белгиланган талабларга жавоб берса, лойиҳа ишлаб чиқилади ва бепул рухсат берилади. Фақатгина техника ва ускуна харажатлари учун тўлов олинади.
