“Буюк Британиянинг Ambrey денгиз хавфсизлиги компанияси душанба куни хабар беришича, Исроил билан муносабатлар кескинлашиб бораётган бир пайтда Эрон кучлари бандаргоҳ инфратузилмасига баллистик ракета зарбаси берганидан сўнг Исроилнинг Ҳайфа бандаргоҳи яқинидаги электр станцияда ёнғинлар аниқланган”, дейилади агентлик хабарида.
Ambrey Исроил ҳарбийлари ҳужумни тўхтатиб қўйгани акс этган видео тасвирларни кузатганини, сўнгра иккита гипертовушли ракета зарбалари амалга оширилганини маълум қилди.
13 июнга ўтар кечаси Исроил мудофаа кучлари (ЦАХАЛ) “Кўтарилаётган шер” деб номланган кенг кўламли операцияни бошлади, бунда Ҳарбий ҳаво кучлари Эрон ҳарбий нишонлари ва ядро дастури объектларига зарба берди. Исроил ҳаво кучлари Эроннинг турли ҳудудларида, жумладан, Теҳронда бир неча тўлқинли ҳужумлар уюштирди, бу ерда Эроннинг бир қанча юқори мартабали ҳарбий амалдорлари, жумладан, Эрон Қуролли кучлари Бош штаби бошлиғи ва ИИҚК қўмондони, шунингдек, бир қанча ядро олимлари ҳалок бўлди. Бир қанча ядровий иншоотлар, жумладан Натанз ва Фордо, шунингдек, мамлакатнинг турли ҳудудларидаги Эрон ҳарбий позицияларига зарба берилди.
Эрон олий раҳбари оятуллоҳ Али Хоманаий фуқароларга мурожаатида Эронга зарба беришни жиноят деб атади ва Исроилни “аччиқ ва даҳшатли қисмат” кутаётганини айтди.
ИИҚК, Эрон Ислом Республикаси ҳужумларга жавобан Исроилдаги ҳарбий нишонларга қарши “Тўғри ваъда 3” операциясини бошлаганини маълум қилди, деб хабар беради ria.ru.
