Учтепада қалбаки пайвандлаш электродлари ишлаб чиқараётган яширин цех фош этилди

Бу ҳақда Иқтисодий жиноятларга қарши курашиш департаменти хабар берди.

Маълумотларга кўра, С.Н. ва бошқалар “M.A.” МЧЖ томонидан ишлаб чиқариладиган “Арсенал” номли пайвандлаш электродларининг қалбаки нусхасини тайёрлаш билан шуғулланган. Улар 66 қути қалбаки маҳсулотни фуқаро Н.С.га сотиш вақтида ашёвий далиллар билан ушланган.

Тадбир давомида яширин цехдан умумий баҳоси 855 млн сўмлик 17 турдаги 36 760 қути электрод, қалбаки штрих код маркировкалар ва ишлаб чиқаришда фойдаланилган турли товар-моддий бойликлар ашёвий далил сифатида олинди.

Ҳолат юзасидан фуқароларга нисбатан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) бўйича жиноят иши қўзғатилиб, тергов ҳаракатлари олиб борилмоқда.

Бош прокуратура ҳузуридаги Департаментнинг Учтепа тумани бўлими ходимлари томонидан тадбиркорлик субъектларининг ҳуқуқларини ҳимоя қилиш мақсадида ўтказилган тезкор тадбирда яширин цех фош этилди.

Қашқадарёда яширин ёғ цехи аниқланди

Бош прокуратура ҳузуридаги Департаментнинг Китоб тумани бўлими ва ИИБ ходимлари ҳамкорлигида ўтказилган тезкор тадбирларда қарийб 150 литр истеъмолга яроқсиз ёғ маҳсулотлари далил сифатида олинган.

Қўлбола усулда тайёрланган алкоголь маҳсулотларининг муомалага киритилишининг олди олинди

“Саришунгул” ОФЙ ҳудудидаги хонадонда яширин цех ташкил қилиб, “Қаратау” номли қалбаки акциз маркали алкоголь маҳсулотларини ишлаб чиқараётганликлари аниқланган.

“Яширин цех” фаолиятига чек қўйилди

Қорақалпоғистон Республикаси божхона бошқармаси Контрабандага қарши курашиш бўлими ходимлари томонидан алкоголь маҳсулотларини қўлбола усулда яширин ишлаб чиқариш билан шуғулланаётган “цехлар” фаолиятига чек қўйилди.

Қўлбола усулда тайёрланган алкоголь маҳсулотлари фош этилди

Ушбу ароқ маҳсулотлари давлат стандарти талабларига жавоб бермаслиги, истеъмолга яроқсизлиги ҳамда истеъмолчилар ҳаёти ва соғлиғи учун хавфли экани маълум бўлди.

Сифатсиз дори воситалари ва тиббиёт буюмлари савдосига чек қўйилди

Янгийўл туманида истиқомат қилувчи, 1976 й.т. фуқаро ўзининг яшаш хонадонида яширин цех ташкил этиб, хорижда ишлаб чиқарилган ва яроқлилик муддати ўтган дори воситаларини қайта қадоқлаш орқали сотувга чиқариш билан шуғулланган.

Учтепада қалбаки пайвандлаш электродлари ишлаб чиқараётган яширин цех фош этилди