“Chirchiq” kimyo-industrial texnoparkiga 2023-yil 21-avgustda "UAZ" Rossiya avtomobil zavodi tashrif buyurishdi, deya xabar beradi “Chirchiq” kimyo-industrial texnoparki matbuot xizmati.
Tashrif davomida mehmonlar texnopark faoliyati bilan tanishdilar va rezident maqomini olgan investorlar uchun imkoniyatlar haqida gapirib berildi. Oʻz navbatida, "UAZ" vakillari Oʻzbekistonda avtomobillar yigʻilishini yoʻlga qoʻyish niyatini bildirdi va buning uchun texnopark maydonlarini koʻrib chiqmoqda.
MCHJ “Ulyanovsk avtomobil zavodi” 1941-yilda tashkil etilgan avtomobil zavodi, UAZ savdo markasi ostida yuqori oʻtish qobiliyatiga ega toʻliq gʻildirakli yengil va kam tonnajli yuk-yoʻlovchi avtomobillarini ishlab chiqarishga ixtisoslashgan. 2000-yildan Sollers avtomobil konserni tarkibiga kiradi.
