Республикалық Руўхыйлық ҳәм ағартыўшылық орайы, "ТуранБанк" АКБ, Өзбекстан Республикасы Транспорт министрлиги ҳәм Ташкент метрополитениниң биргеликтеги жойбары шеңберинде метроның "Алишер Наўайы" ҳәм "Пахтакор" бәндиргилериндеги өтиў орынларында китап текшелери орнатылды.
Өзбекстан Республикасында хызмет көрсеткен журналист Салим Дониёровтың жаңа китабының презентациясы болып өтти.
БМШтың Нью-Йорк қаласындағы бас резиденциясында болып өткен "Жаңа Өзбекстан: Шавкат Мирзиёевтиң жолы" китабының презентациясында БМШ басшылары, халықаралық шөлкемлер ҳәм дипломатиялық корпус ўәкиллери, пуқаралық жәмийети белсендилери, журналистлер сыяқлы жүзге шамалас адам қатнасты.
АҚШ Конгресси имаратында "Жаңа Өзбекстан: Шавкат Мирзиёевтиң жолы" китабының презентациясы болып өтти.
Жақында Түркияның Анталия қаласында «Бейгендж» баспасынан белгили қарақалпақ шайырлары Узақбай Пиржанов ҳәм оның өмирлик жолдасы Шийрин Халмуратова поэзиясынан үлгилер жәмленген «Көкте жулдызлардың ҳәўеси келсин» атамасындағы топлам түрк тилинде жарық көрди.
Әжинияз атындағы Нөкис мәмлекетлик педагогикалық институтында Қарақалпақстан Республикасы Министрлер Кеңеси жанындағы Мәмлекетлик тилди раўажландырыў департаменти менен биргеликте «Әлийшер Наўайы энциклопедиясы» ҳәм «Өзбекстанның орын атамаларының түсиндирме сөзлиги» көптомлықлары, сондай-ақ, «Қарақалпақстан Республикасы географиялық атамаларының түсиндирме сөзлиги» китапларын кең жәмийетшиликке таныстырыўға арналған илаж болып өтти.
Өзбекстан Миллий баспасөз орайында Өзбекстан Журналистлер аўқамы тәрепинен басып шығарылған "Алтын қәлемли журналистлер" китабының презентациясы өткерилди.
Қарақалпақстан судларының тарийхы ҳәм бүгинги күнинен дерек беретуғын, Қарақалпақстанда суд уйымларының қәлиплесиўи ҳәм раўажланыўының тийкарғы басқышлары, бийғәрез суд ҳәкимиятының шөлкемлестирилиўи, сондай-ақ суд тараўында хызмет еткен, ҳәзирги ўақыттағы судья ҳәм хызметкерлер ҳаққында сөз етиўши «Қарақалпақстан Республикасы судлары: тарийх ҳәм бүгин» деп аталған китап баспадан шықты.
Қамақтағылар оқыйтуғын әдебиятлар дизими Республикалық Руўхыйлық ҳәм ағартыўшылық орайы тәрепинен тастыйықланады.
Әжинияз Қосыбай улының 200 жыллығы мүнәсибети менен шығармалары түркмен тилине аўдармаланып, китап болып басылып шықты.
