Мазкур ташаббус логистик жараёнларни оптималлаштириш ва 2022-2024 йилларда Қирғизистон Республикаси Божхона хизматини ривожлантириш концепцияси доирасида трансчегера савдосига кўмаклашишга қаратилган.
Лойиҳа Халқаро савдо маркази томонидан қўллаб-қувватланяпти, ҳамда Европа иттифоқи томонидан молиялаштирилади. Жараён 1 ноябрдан 15 декабргача давом этади. Электрон навбатни жорий этишдан асосий кўзланган мақсад — бу чегарадан ўтишни тезлаштириш, логистик харажатларни камайтириш ва ташқи иқтисодий фаолият иштирокчилари, айниқса кичик ва ўрта бизнес вакиллари учун шароитларни яхшилашдир, — деб изоҳ берилади Қирғизистон Республикаси Иқтисодиёт вазирлигида.
27 августда Иқтисодиёт вазирлиги, Божхона хизмати ва Халқаро савдо маркази вакиллари «Кызыл-Кия» чегара ўтказиш жойида бўлиб, янги тизим билан танишиб чиқдилар. Ташриф доирасида Божхона ва Чегара хизмати ходимлари учун янги технологияга ўтиш бўйича семинар ўтказилди, деб хабар беради 24 KG.
