Доктор Говард Такер 1922 йилда туғилган ва 1947 йилда невролог сифатида иш бошлаган. 2023 йилда унинг иш тажрибаси 75 йил бўлди.
Беморлар кўпинча шифокордан бундай улуғ ёшда соғлом ва қувноқ бўлиб қолиш учун нима қилиш кераклигини сўрашади. Бунга жавобан 100 ёшли невропатолог ўз тажрибасидан келиб чиқиб ишлаб чиққан тамойил билан ўртоқлашди.
Биринчидан, унинг фикрича, нафақага чиқишга шошилишнинг ҳожати йўқ. Такер шунча ёшга кирганига қарамай ҳамон ишламоқда, 89 ёшли рафиқаси, психиатр ва психоаналист сифатида фаолият юритади.
Гиннеснинг рекордлар китоби шифокорни сайёрадаги энг кекса амалиётчи шифокор сифатида тан олди.
Пандемия пайтида Такер ҳафтада беш-олти кун беморларни кўрди ва шундан сўнг маҳаллий шифохонада стажёрларни ўқитди.
“Агар сиз қилаётган ишингизни яхши кўриш бахтига эришган бўлсангиз ва ҳали ҳам ишлашингиз мумкин бўлса, нафақага чиқишни кечиктиришни ўйлаб кўринг. Кўпгина нафақахўрлар кундалик ҳаётда камроқ фаол бўлишади, бу эса когнитив пасайиш хавфини оширади”, деди Говард Такер
Иккинчидан, сиз ўзингизни формада ушлаб туришингиз керак, деб маслаҳат беради Такер. Сузиш, югуриш, чанғи спорт тури 90 ёшга тўлгунга қадар Такерга узоқ вақт кучли ва соғлом бўлишга имкон берди.
Энди шифокор деярли ҳар куни югуриш йўлакчасида ўртача тезликда беш километр югуради.
“Ҳатто ҳар куни 15 дақиқалик юриш ҳам бевақт ўлим хавфини 25 фоизга камайтиради”, деди у.
Учинчидан, 100 ёшли шифокор чекишни мутлақо ташашни маслаҳат берди.
Тўртинчидан, одам ўзини жуда чекламаслиги лозим. Модерация бизга тўлиқ ҳаёт кечириш ва узоқ муддатда бизга зарар етказиши мумкин бўлган ортиқча нарсаларга берилмаслик имконини беради.
Такер кўплаб кўкатлар ва сабзавотлардан иборат турли хил парҳезбоп таомларни истеъмол қилади. У рафиқаси билан тез-тез брокколи, Брюссель карами ва бок-чой салатини истеъмол қилади, деб хабар беради mail.ru.
