UZTELECOM томонидан қўлга киритилган энг йирик ютуқлар сифатида Компания тарихига айланаётган ушбу воқеликлар мамлакатимиз телекоммуникатсон жозибасининг ортишида муҳим аҳамият касб этди.
5.5G тармоғининг ишга туширилиши
2024 йилда UZTELECOM Huawei билан ҳамкорликда 5.5G тармоғини ишга тушириб, телекоммуникация соҳасида янги даврни очди. Ушбу технология юқори тезликдаги уланиш ва ақлли шаҳарлар ривожланишига кўмаклашади.
5.5G тармоғининг кенгайиши Компаниянинг етакчилигини исботлаб, миллионлаб фойдаланувчиларга сифатли уланиш имконини
тақдим этди.
Таянч станцияларининг қурилиши ва модернизацияси: 2024 йилда миллионлаб фойдаланувчилар учун алоқа мустаҳкамланди
Таянч станцияларини кенг кўламли қуриш ва модернизация қилиш лойиҳаси 2024 йилда ҳам давом эттирилди. Натижада энг олис ҳудудларда ҳам 4G ва 5G қамрови яхшиланди.
Бу эса рақамли тенгсизликни қисқартириш ва алоқа сифатини ошириш имконини берди.
Оптик толали юксалиш: 2024 йил инфратузилмани ривожлантириш натижалари
UZTELECOM йил давомида 70 000 километрдан зиёд оптик толали линияларни қуриб, тармоқнинг умумий узунлигини 300 000 километрдан оширди.
Бу ўз ўрнида фойдаланувчиларни барқарор ва ишончли Интернет алоқа билан таъминлайди.
Халқаро эътироф: ИСО 9001:2015 – 2024 йилнинг муҳим ютуғи
UZTELECOM Германиянинг TÜV Thüringen International компаниясининг сифат менежменти тизими бўйича ИСО 9001:2015 халқаро сертификатига эга бўлди.
Бу Компания хизматлари сифати ва фаолиятларининг юксак даражада ташкил этилганини тасдиқлайди.
ҲАММАСИ БИРГА тарифи: 2024 йилда эсда қоладиган янгилик
Янги ҲАММАСИ БИРГА тарифи уй Интернети, IP-телефон ва телевидениени битта ҳисобда бирлаштиради. Абонентлар учун ўз оилавий мобил рақамларини қўшиб, абонент тўловидан 20% гача чегирма олиш имкони яратилди.
Mobile World Congress тан олиши: 2024-йилда жаҳон миқёсидаги ютуқлар
2024 йилда Барселонада ўтказилган Mobile World Congress‘да UZTELECOM Ookla® томонидан «Энг тезкор мобил тармоқ» ва «Энг яхши ўйин тажрибаси» мукофотларига сазовор бўлди.
Ушбу ютуқлар Компания хизматлари жаҳон стандартларига жавоб беришини исботлайди.
Энг яхши иш берувчилар ўнталигида
UZTELECOM Ўзбекистондаги энг яхши иш берувчилар топ-10 талигига кирди. Компанияда 17 600 нафардан зиёд ходим фаолият юритади.
Бундан ташқари, Компания йирик солиқ тўловчилар қаторида мамлакат иқтисодиёти учун улкан ҳисса қўшди.
ТелеcомТВ ғалабаси: «2023 йил бренди» – 2024 йилдаги ютуқлар солномасида
ТелеcомТВ лойиҳаси «VII Бренд Йили – 2023» мукофотининг «Коммуникация» номинациясида ғолиб бўлди. Ушбу эътироф UZTELECOM хизматларининг оммабоплигини ва Компаниянинг мукаммалликка интилишини кўрсатади.
Алоқа трансформацияси: 4G ва 5G тармоғига ўтиш
UZTELECOM 2024 йилда 3000 дан ортиқ таянч станциясини LTE стандартига ўтказди, бу орқали 4G қамрови 50% га ошди. Бу қадам Компаниянинг мобил алоқа бозоридаги етакчилигини янада мустаҳкамлади.
5G лойиҳаси учун халқаро мукофот: 2024 йилнинг тарихий воқеаси
UZTELECOM «5G лойиҳасини ишга тушириш» номинациясида йирик мукофотни қўлга киритди. Компания T-Mobile ва China Telecom каби гигантлар билан бир қаторда иштирок этди. 6000 дан ортиқ таянч станцияси модернизация қилиниб, алоқа сифати сезиларли даражада яхшиланди.
Business Quiz ғалабаси: 2024 йилдаги интеллектуал муваффақият
UZTELECOM «Business Quiz – 2023» интеллектуал ўйинида биринчи ўринни қўлга киритиб, «Ўзбекистоннинг энг зукко компанияси» деб эътироф этилди.
Бу муваффақият Компания ходимларининг профессионаллиги ва интеллектуал салоҳиятини яна бир бор исботлади.
Tashkent City Mall’даги янги офис: мижозларга хизмат кўрсатишни ривожлантириш
UZTELECOM 2024 йилда Tashkent City Mall’да замонавий савдо ва хизмат кўрсатиш офисини очди. Энди мижозлар қулай ва замонавий шароитларда хизмат ва маслаҳатлар олиш имкониятига эга.
VoWi-Fi технологияси: алоқа учун инновация
UZTELECOM VoWi-Fi технологиясини жорий этди. Ушбу технология Wi-Fi орқали қўнғироқларни амалга ошириш ва хабарлар юборишга имкон беради, ҳатто мобил тармоқ сифати паст бўлса ҳам. Энди алоқа доимий барқарор, ҳар қандай шароитда ҳам.
5G ҳар бир ҳудудда: UZTELECOM ривожланишининг муҳим босқичи
5G технологияси энди Ўзбекистоннинг барча вилоят марказларида мавжуд! Бу миллионлаб фойдаланувчиларга юқори тезликдаги Интернетдан фойдаланиш имкониятини яратди.
Ушбу кенг кўламли лойиҳа мамлакатнинг рақамли ривожланиши ва аҳолининг турмуш сифатини яхшилашга ҳисса қўшмоқда.
