1892 йил 28 октябрь куни француз рассоми ва ихтирочиси Эмиль Рейно Париж шаҳридаги Гревень музейида ҳаракатланувчи суратлар кетма-кетлиги – илк мультфильм намунасини томошабинларга намойиш қилган.
Мазкур сананинг 110 йиллиги муносабати билан 2002 йил 28 октябрь куни Халқаро анимацион фильмлар ассоциацияси (ASIFA) ташаббусига кўра ушбу кун “Халқаро анимация куни” деб эълон қилинган.
Шу боис ушбу сана муносабати билан ҳар йили юздан ортиқ мамлакатда турли учрашувлар, фестиваллар, фильм тақдимотлари ўтказилади.
