Аввал хабар берганимиздек, Испанияда ўтаётган ёшлар ўртасидаги бокс бўйича жаҳон чемпионатида ҳамюртларимиз муносиб иштирок этмоқда. Жумладан, 10 нафар ёш спортчиларимиз ярим финалга йўл олган эди. Ярим финаллар якунига кўра, ўзбекистонлик боксчилар ярим финалда 8 та ғалаба ва 2 та мағлубият қайд этишди.

Ўзбек боксчиларининг ярим финаллардаги натижалари:

-48 кг: Гулсевар Ғаниева - Новаоанни Нуньес (Доминикан Республикаси) - ғалаба

-70 кг: Азиза Зокирова - Лаура Моран (Ирландия) - ғалаба

-81 кг: Олтиной Сотимбоева - Стиген Соренсен (Норвегия) - ғалаба

-54 кг: Хўжаназар Нортожиев - Ашиш (Ҳиндистон) - мағлубият

-67 кг: Жавоҳир Умматалиев - Леви Барнес (Англия) - ғалаба

-75 кг: Тўрабек Хабибуллаев - Кристиан Баррера (Куба) - ғалаба

-75 кг: Саҳобат Ҳусанова - Каролина Солано (Колумбия) - мағлубият

-57 кг: Бахтиёр Асадов - Чада Фиппс (АҚШ) - ғалаба

-71 кг: Фазлиддин Эркинбоев - Алексис Веита (Куба) - ғалаба

-80 кг: Раҳматилло Бойматов - Франк Рейносо (Куба) - ғалаба

Боксчиларимизнинг 8 нафари финалга йўл олган бўлса, 2 нафари бронза медали билан юртимизга қайтадиган бўлди.

Эслатиб ўтамиз, финал жанглари 25 ва 26 ноябрь кунлари ўтказилади.