Алиментларни олдиндан тўлаш тартиби жойларда тушунтириб борилаётганлиги ўз самарасини бериб, алимент тўловларини олдиндан тўлаш истагини билдираётган оталар сони ортиб бормоқда.
Қайд этилишича, Асака шаҳри, Улуғбек маҳалласида истиқомат қилувчи С.Ю. икки нафар фарзанди учун алимент тўлаб келаётган эди.
Амалдаги тартибга кўра, суднинг ижро ҳужжатига биноан қарздорнинг мамлакат ҳудудидан четга чиқиш ҳуқуқлари вақтинча чекланган.
Олдиндан, энг ками 5 йил муддат учун алимент тўлаш мумкинлиги Бюро ходимлари томонидан тушунтирилгач, С.Ю. фарзандлари учун 2030 йилга қадар 145,6 млн. сўм миқдоридаги алимент пуллари тўлаб берди.
Алимент тўлаши шарт бўлган шахслар суғурта полисини илова қилган ҳолда илтимоснома билан мурожаат қилганда, давлат ижрочиси уларнинг чет давлатга чиқиши бўйича вақтинчалик чекловни тўхтатиб туради.
Сенатнинг саккизинчи ялпи мажлисида вояга етмаган болаларнинг таъминоти учун алимент ундириш ва тўлаш тизимини такомиллаштириш бўйича кўрилаётган чора-тадбирлар юзасидан Вазирлар Маҳкамасига парламент сўрови юбориш масаласи кўриб чиқилди.
Фуқаролик ишлари бўйича Бўстон туманлараро судининг 15.04.2025 йилдаги ижро ҳужжатига асосан қарздор Д.М.дан ундирувчи Н.М. фойдасига икки нафар вояга етмаган фарзандининг моддий таъминоти учун алимент ундириш белгиланган.
