Ҳолат бўйича вилоят Фавқулодда вазиятлар бошқармаси маълумот берди.
Шу йилнинг 10 сентябрь куни тунги соат 23:58да Андижон шаҳар Янги айланма кўчасида жойлашган "Уз Корам Ко" МЧЖда ёнғин содир бўлаётганлиги ҳақида Андижон вилояти ФВБга хабар келиб тушди.
Келиб тушган хабарга асосан тунги соат 00:06да манзилга ёнғин қутқарув экипажи юборилди. Фавқулодда вазиятлар бошқармасининг ёнғин қутқарув экипажи гуруҳи томонидан ёнғин тунги соат 00:55да батамом ўчирилди.
Ҳозирда ёнғин содир бўлиш омиллари ва моддий зарар аниқланмоқда.
