Ҳудудларда аҳолига кўрсатилаётган транспорт хизматлари сифатини яхшилаш мақсадида замонавий автобусларни олиб келиш ишлари давом этмоқда.
Транспорт вазирлигининг маълум қилишича, Тошкент вилояти Ангрен шаҳрида рўйхатдан ўтган “Angren avto group” МЧЖ томонидан Хитой Халқ Республикасидан 15 та “Yutong” русумли автобусларни банк кредити асосида харид қилиш бўйича шартнома имзоланди.
Яқин кунларда мазкур замонавий автобуслар олиб келиниб, фойдаланишга топширилади.
Ҳукумат қарори (127-сон, 27.02.2025 й.) билан “Транспорт воситасини ишлаб чиқарувчи юридик шахсларга транспорт воситасининг идентификация рақамини шакллантириш бўйича давлат хизматини кўрсатишнинг маъмурий регламенти” тасдиқланди.
Вазирлар Маҳкамасининг тегишли қарорларига мувофиқ, Тошкент шаҳри жамоат транспортини ривожлантириш йўналишида 2025 йилда 200 дона электробуслар ва улар учун қувватлаш ускуналари хариди лойиҳаси амалга оширилиши режалаштирилмоқда.
