Европа тикланиш ва тараққиёт банки билан ҳамкорликда йирик лойиҳага қўл урилмоқда, деб хабар берди Транспорт вазирлиги матбуот хизмати.
Қайд этилишича, ЕТТБ томонидан молиялаштирилаётган лойиҳа доирасида Наманган ҳамда Нукус шаҳри жамоат транспорти тизимини халқаро талабларга мос равишда модернизация қилинади. Шунингдек, замонавий ҳаракат таркиблари харид қилинади ва электробус парки (депо) ташкил этилади.
Буюк Британиянинг “Atkins” компанияси лойиҳанинг техник-иқтисодий асосларини ишлаб чиқади.
ЕТТБнинг Осиё минтақасидаги вакили Надежда Ключникова бошчилигидаги ишчи гуруҳ Наманган шаҳар ҳокими Анваржон Отаходжаев билан учрашувда лойиҳанинг амалий қадамларини муҳокама этди.
