Учрашувда Ташқи ишлар вазири Бахтиёр Саидов Туркманистон Президенти Сердар Бердимуҳамедовга Ўзбекистон Республикаси Президенти Шавкат Мирзиёев Жаноби Олийларининг энг самимий саломларини етказди.
“Бугун Ашхободда Туркманистон Президенти Сердар Бердимуҳамедов Жаноби Олийлари томонидан қабул қилинганимиздан мамнунмиз. Давлатларимиз раҳбарлари ўртасидаги мустаҳкам дўстлик ва ўзаро ишонч Ўзбекистон-Туркманистон стратегик шериклигини барча соҳаларда чуқурлаштириш, ҳамкорлик ва фаровонликни янада барқарорлаштиришда мустаҳкам таянч бўлиб хизмат қилмоқда“, — деб ёзади ТИВ раҳбари ўзининг Телеграм каналида.
