Жорий йилнинг 7-8-май кунлари Бойсун туманидаги сўлим Паданг қишлоғида “Бойсун баҳори” очиқ фолклор фестивали бўлиб ўтади.
Шу муносабат билан Сурхондарё вилоят ҳокимлиги ҳамда Давлат солиқ қўмитаси ҳузуридаги Кадастр агентлиги тизимидаги “Геоинновация маркази” корхонаси билан ҳамкорликда дронлар шоуси бўлиб ўтади.
"Воҳа аҳли ва меҳмонларини унутилмас таассуротларга бой бўлган халқаро фестивалга таклиф этамиз", дейилади Сурхондарё вилояти ҳокимлиги Матбуот хизмати хабарида.
Сурхондарё вилоятининг Бойсун туманида ўтказиладиган “Бойсун баҳори” халқаро фольклор фестивали меҳмонларига янада қулайлик яратиш мақсадида 2022 йилнинг 7 май куни Андижон-Термиз-Фарғона ва Нукус-Термиз-Нукус йўналишларида қўшимча чартер авиақатновлар йўлга қўйилди.
Ўзбекистон Бош вазири ўринбосари — туризм ва маданий мерос вазири Азиз Абдуҳакимов Бойсун туманидаги Паданг кенгликларида бўлиб, жорий йилнинг 7-8 май кунлари ўтказиладиган «Бойсун баҳори» халқаро фольклор фестивалига кўрилаётган тайёргарлик ишлари билан танишди.
