Мазкур келишувдан кўзланган асосий мақсад “Mobiuz” компаниясининг талаб юқори мобиль рақамларини онлайн тарзда сотиш орқали улардан фойдаланиш имкониятларини кенгайтиришдан иборатдир.
Ҳамкорлик доирасида яқин кунлардан бошлаб “Mobiuz” компаниясининг талаб юқори бўлган мобиль рақамлари биржанинг mobilraqam.uzex.uz платформасида сотила бошланади.
Эслатиб ўтамиз, мазкур савдо платформаси талаб юқори комбинацияга эга бўлган уяли алоқа рақамларини биржанинг онлайн-аукционлари орқали сотиш мақсадида 2019 йилда ишга туширилган.
Кутилаётган онлайн-савдолар очиқлик, ошкоралик, соғлом рақобат ва савдо иштирокчилари учун тенг шароитларни яратиб бериш тамойилларига асосланган ҳолда ўтказилади.