Ушбу дам олиш кунлари ва кейинги ҳафта бошида республика бўйича кучсиз шамоллар билан булутсиз об-ҳаво сақланиб туради.
Кечаси ва эрталаб ҳали жуда салқин, 6-9° илиқ атрофида бўлади, кун давомида қуёш ҳавони 22-25° илиққача иситади. Бу октябрь ойининг ўрталари учун бўлган меъёрий қийматлардан 2-3° га юқоридир, деб хабар беради Ўзбекистон гидрометеорология хизмати маркази.
Бироқ, шуни эслатиб ўтамизки, энг иссиқ бўлган октябрь ойларида Тошкентда кундуз кунги ҳарорат 32-35° илиққача кўтарилган.
