У бу билан Америка кино саноатини қутқариб қолмоқчилигини айтган. Унинг фикрича, Голливуд ва АҚШнинг бошқа кўплаб соҳалари чет элликлар туфайли инқирозга юз тутмоқда.
«Бошқа давлатлар турли имтиёзлар таклиф қилиб, бизнинг режиссёрларимиз ва киностудияларимизни АҚШдан олиб чиқиб кетишга уринмоқда. Биз фильмлар яна Америкада ишлаб чиқарилишини истаймиз», деган Трамп.
Сиёсатчи АҚШ Савдо вазирлиги ва Савдо ваколатхонасига барча хорижий фильмларга 100 фоизлик божларни жорий этишни бошлаш тўғрисида топшириқ берган.
Эслатиб ўтамиз, жорий йилнинг 2 апрель куни Трамп 185 давлатга нисбатан божлар жорий этилишини маълум қилганди. Тарифлар 10 фоиздан 50 фоизгача бўлган ва рўйхатда Ўзбекистон бор эди.
