Ушбу курс унинг қатнашчиларига ўз илмий мақолаларини инглиз тилида тайёрлаш, халқаро илмий журналларда академик ёзув қўллаган ҳолда мақола нашр этиш ва илмий конференцияларда ўз маърузалари билан иштирок этишларида ижобий туртки бўлди десак муболаға бўлмайди.

Мана шундай натижаларни қўлга киритган дастур қатнашчиларидан бири, Ўз ФА Биоорганик кимё институти Комплекс бирикмалар лабораториясининг етакчи илмий ходими, кимё фанлари доктори Ҳамид Хўжаниёзовдир. Америка Қўшма Штатларининг Калифорния штати Сан Франциско шаҳрида 2021 йилнинг 22-26 февраль кунлари ташкил этилган Катализ ва кимё муҳандислиги бўйича 5-чи Халқаро конференцияда (International Conference on Catalysis and Chemical Engineering) ўзининг “Кислород ва намлик қўшимчаларисиз қаттиқ катализаторни қўшиш учун оддий ускуна” (Simple tool for adding solid catalyst without oxygen and moisture contamination) номли маърузаси билан иштирок этди.

“English for Science” лойиҳаси Инновацион ривожланиш вазирлиги томонидан юртимиздаги олимлар учун ўзларининг билим, иқтидор ва истеъдодларини жаҳон аренасига намойиш этишда ҳамда илмий ва инновацион фаолиятни ҳар томонлама қўллаб-қувватлашга қаратилган кенг кўламли ислоҳотлардан биридир.