Ўзбекистонда форел балиқчилиги мактабини яратган Наманган вилоятида бир неча йирик хўжаликлар ташкил этилди. Уларнинг бири “Учқўрғон форел балиғи” МЧЖдир.
Форел ҳарорати 18 даражадан юқори бўлган сувда яшай олмайди. Сув мусаффо, яъни кислородга бой бўлиши керак. Учқўрғонни иккига бўлиб оқадиган Норин дарёси эса айни муддао эди.
Куни кеча Наманган вилояти ҳокими Шавкатжон Абдураззоқов бошчилигида Тадбиркорлар кенгаши тузилди ва унинг биринчи йиғилишида вилоятда форел балиғи етиштириш ҳажмини 50 минг тоннага етказиш имкониятлари муҳокама этилди.
Тадбиркорликнинг бошқа тармоқларида бўлгани каби, Наманган форелини ҳам ташқи бозорнинг таниқли брендига айлантириш чоралари кўрилмоқда.
