Таъкидлаш лозимки, Бош давлат санитария врачи “Аҳолининг санитария-эпидемиологик осойишталиги тўғрисида”ги қонундаги ваколати доирасида Эпидемиологик кўрсаткичлар асосида эмланиши лозим бўлган контингентларнинг (масалан, эпидемиологик нохуш ҳудудда ишлайдиганлар, мазкур ҳудудда яшайдиганлар, ушбу ҳудудларга ташриф буюрмоқчи бўлганлар ва бошқалар) эмлаш календарини тасдиқлайди.
Хусусан, ушбу календарда грипп, шол, куйдирги, қизамиқ ва қизилча, бўғма ва шу каби 13 та бошқа эпидемиологик касалликларга қарши эмланиши лозим бўлган контингентлар рўйхати белгиланган эди.
Эндиликда, Бош давлат санитария врачининг қарори билан эпидемиологик вазиятдан келиб чиқиб, коронавирусга қарши профилактик эмлаш ҳам Эпидемиологик кўрсатма бўйича профилактик эмлаш календарига киритилди. Ушбу қўшимча аҳолининг айрим тоифалари ўртасида доимий равишда ўтказиладиган профилактик эмлашларнинг давомий қисми ҳисобланади.
Шунга кўра, фуқаролар айрим фаолият турлари билан шуғулланиш учун (асосан аҳоли билан кўп мулоқот қилувчи фаолият турлари) коронавирусга қарши эмлашдан ўтиши керак.
Шу билан бирга, аҳолига эпедемиологик хавфсиз ва қулай шароит яратиш мақсадида “Ўзбекистон Республикасининг айрим қонун ҳужжатларига ўзгартишлар ва қўшимча киритиш тўғрисида”ги қонун лойиҳаси ишлаб чиқилиб, жамоатчилик муҳокамаси учун жойлаштирилди.
Лойиҳада Бош давлат санитария врачининг “Аҳолининг санитария-эпидемиологик осойишталиги тўғрисида”ги қонунда белгиланган ваколатини фуқароларнинг соғлиғи сақлаш борасидаги асосий қонун ҳужжати ҳисобланган “Фуқаролар соғлиғини сақлаш тўғрисида”ги қонунда ҳам мустаҳкамлаб қўйиш таклиф этилмоқда.
Шунингдек, Жаҳон соғлиқни сақлаш ташкилоти ҳамда халқаро экспертлар коронавирусга қарши курашиш ва унинг янги тўлқинларининг олдини олиш оммавий вакцинация орқали муваффақиятли ташкил этилиши мумкинлиги юзасидан тавсияларини инобатга олган ҳолда, Меҳнат кодексига ўзгартириш киритиш орқали, иш берувчига профилактик эмлашдан ўтишни рад этган ходимларни ишга қўймаслик ҳуқуқини бериш кўзда тутилмоқда.
“Ўзбекистон Республикасининг айрим қонун ҳужжатларига ўзгартишлар ва қўшимча киритиш тўғрисида”ги Ўзбекистон Республикасининг қонуни лойиҳасига таққослаш жадвали
|
№ |
Амалдаги таҳрир |
Таклиф этилаётган таҳрир |
Асос |
|
1. Ўзбекистон Республикасининг 1996 йил 29 августда қабул қилинган “Фуқаролар соғлиғини сақлаш тўғрисида”ги 265–I-сонли Қонуни |
|||
|
1. |
28-модда. Фуқароларнинг розилигисиз тиббий ёрдам кўрсатиш
Атрофдагилар учун хавфли касалликка чалинган шахсларга фуқаролар ёки улар қонуний вакилларининг розилигисиз тиббий ёрдам кўрсатилишига (тиббий кўрикдан ўтказиш, касалхонага ётқизиш, кузатиш ва яккалаб қўйишга) қонун ҳужжатларида белгиланган асосларда ва тартибда йўл қўйилади.
Тўлдирилмоқда
|
28-модда. Фуқароларнинг розилигисиз тиббий ёрдам кўрсатиш, профилактик эмлаш
Атрофдагилар учун хавфли касалликка чалинган шахсларга фуқаролар ёки улар қонуний вакилларининг розилигисиз тиббий ёрдам кўрсатилишига (тиббий кўрикдан ўтказиш, касалхонага ётқизиш, кузатиш ва яккалаб қўйишга) қонун ҳужжатларида белгиланган асосларда ва тартибда йўл қўйилади. Карантинли ва инсон учун хавфли бўлган бошқа юқумли касалликлар тарқалиши хавфи мавжуд бўлган тақдирда Ўзбекистон Республикаси Бош давлат санитария врачининг қарори асосида аҳолини профилактик эмлашдан ўтказиш жорий этилиши мумкин. |
Жаҳон соғлиқни сақлаш ташкилоти ҳамда халқаро экспертлар томонидан коронавирусга қарши курашиш ва унинг янги тўлқинларининг олдини олиш оммавий вакцинация орқали муваффақиятли ташкил этилиши мумкинлиги юзасидан тавсияларига асосан, шунингдек, “Аҳолининг санитария-эпидемиологик осойишталиги тўғрисида”ги қонунда белгиланган Бош давлат санитария врачининг ваколатларидан келиб чиқиб, қонунчиликни такомиллаштириш юзасидан киритилмоқда. |
|
2. Ўзбекистон Республикасининг 1995 йил 21 декабрда қабул қилинган 161–I-сонли Қонуни билан тасдиқланган Ўзбекистон Республикасининг Меҳнат кодекси |
|||
|
1. |
113-модда. Ишдан четлаштириш Ходимни ишдан четлаштиришга, қонунда назарда тутилган ҳоллардан ташқари, йўл қўйилмайди. Алкоголли ичимликдан, гиёҳвандлик ёки токсик модда таъсиридан мастлик ҳолатида ишга келган ходим шу куни (сменада) ишга қўйилмайди. Ходим мажбурий тиббий кўрикдан ўтишдан бўйин товлаган ёки ўтказилган текширишлар натижалари бўйича тиббий комиссия тавсияларини бажармаган тақдирда, иш берувчи уни ишга қўймасликка ҳақлидир.
Ходим ишдан четлаштирилган даврда унга иш ҳақи ҳисобланмайди. Ходим иш берувчининг айби билан ғайриқонуний равишда ишдан четлаштирилганда ходимга етказилган зарарни ушбу Кодексда назарда тутилган тартибда тўлаш мажбурияти иш берувчига юклатилади. |
113-модда. Ишдан четлаштириш Ходимни ишдан четлаштиришга, қонунда назарда тутилган ҳоллардан ташқари, йўл қўйилмайди. Алкоголли ичимликдан, гиёҳвандлик ёки токсик модда таъсиридан мастлик ҳолатида ишга келган ходим шу куни (сменада) ишга қўйилмайди. Ходим мажбурий тиббий кўрикдан ўтишдан бўйин товлаган ёки ўтказилган текширишлар натижалари бўйича тиббий комиссия тавсияларини бажармаган, шунингдек юқумли касалликлар тарқалиши хавфи мавжуд бўлган тақдирда Ўзбекистон Республикаси Бош давлат санитария врачининг қарори асосида жорий этиладиган профилактик эмлашдан ўтишни рад этган тақдирда (соғлиғининг ҳолатига кўра қарши кўрсатма мавжуд бўлмаганда) иш берувчи уни ишга қўймасликка ҳақлидир. Ходим ишдан четлаштирилган даврда унга иш ҳақи ҳисобланмайди. Ходим иш берувчининг айби билан ғайриқонуний равишда ишдан четлаштирилганда ходимга етказилган зарарни ушбу Кодексда назарда тутилган тартибда тўлаш мажбурияти иш берувчига юклатилади. |
Жаҳон соғлиқни сақлаш ташкилоти ҳамда халқаро экспертлар томонидан коронавирусга қарши курашиш ва унинг янги тўлқинларининг олдини олиш оммавий вакцинация орқали муваффақиятли ташкил этилиши мумкинлиги юзасидан тавсияларига асосан, шунингдек “Аҳолининг санитария-эпидемиологик осойишталиги тўғрисида”ги Қонунда белгиланган Бош давлат санитария врачининг ваколатларидан келиб чиқиб, қонунчиликни такомиллаштириш юзасидан киритилмоқда. |
