Осиё кубогининг “Б” гуруҳидан ўрин олган Ўзбекистон футзал миллий терма жамоаси 2-турда Тожикистон термасига қарши майдонга тушди ва катта қийинчилик билан 3-2 ҳисобида ғалабага эришди. Натижада Баҳодир Aҳмедов шогирдлари 6 очко билан гуруҳда яккапешқадамга айланди ва плей-оффга 1-ўрин билан чиқишини кафолатлади.
Футзал. Осиё кубоги
Тожикистон — Ўзбекистон- 2:3
Голлар: Фаизали Сардоров (дубл) — Элбек Тўлқинов, Ҳусниддин Нишонов, Aнасхон Раҳматов.
Маълумот учун: Осиё кубоги “Б” гуруҳидаги 2-турнинг дастлабки ўйинида Туркманистон ва Баҳрайн терма жамоалари 4-4 ҳисобидаги дурангга имзо чекишди.
Эслатиб ўтамиз, Осиё кубогининг 1-турида футзалчиларимиз Туркманистон дарвозасига жавобсиз 8 та тўп киритишган эди. 3-турда ҳамюртларимиз 1 октябрь куни Баҳрайн терма жамоасига қарши майдонга тушади.