Президент администрацияси раҳбарининг сўзларига кўра, чоршанба куни жанубдаги Ашанти минтақасида ҳарбий вертолётнинг ҳалокатга учраши оқибатида саккиз нафар ҳаётдан кўз юмганлар орасида Гана мудофаа вазири ва атроф-муҳитни муҳофаза қилиш вазири ҳам бор.
Хабарга кўра, вертолёт бортида уч нафар экипаж аъзоси ва беш нафар йўловчи, жумладан Гана мудофаа вазири Эдвард Омане Боама ва атроф-муҳитни муҳофаза қилиш вазири Иброҳим Муртала Муҳаммад ҳам бўлган. Уларнинг барчаси ҳаётдан кўз юмди.
Гана қуролли кучлари аввалроқ пойтахт Аккрадан мамлакат жанубидаги кончилар шаҳарчаси Обуаси томон йўл олган Z9 вертолёти билан алоқа узилгани ҳақида хабар берган эди.
Президент аппарати раҳбари Жулиус Дебра видеомурожаатида ҳалокатни “миллий фожиа” деб атади ва кейинги огоҳлантиришгача байроқлар туширилишини маълум қилди.
Унинг сўзларига кўра, Гана миллий хавфсизлик бўйича координатори ўринбосари вазифасини бажарувчи Алҳажи Муҳаммад Муниру Лимуна, Миллий демократик конгресс раиси ўринбосари Самуэль Сарпонг ва депутатликка собиқ номзод Самуэль Абоагье ҳам ҳалок бўлишди.
Вертолёт экипажи таркибида эскадрон раҳбари Питер Бафеми Анала, учувчи Малин Твум-Ампаду ва сержант Эрнест Аддо Менса бўлган.
Сибига Гана ҳукумати ва халқига ҳалокатда мамлакатнинг юқори мансабдор шахслари ҳалок бўлгани муносабати билан ҳамдардлик билдирди, деб хабар берди pravda.com.ua.
Сибига: “Биз Гана ҳукумати ва халқига мудофаа вазири Эдвард Кофи Омане Боама, атроф-муҳитни муҳофаза қилиш вазири Иброҳим Муртала Муҳаммад ва бошқа амалдорлар ва ҳарбий хизматчиларнинг вертолётнинг фожиали ҳалокатида ҳаётдан кўз юмгани муносабати билан чуқур ҳамдардлик билдирамиз”.
