Бу ҳақда Бош вазир идорасида маълум қилинди.
Баёнотда айтилишича, ҲАМАС АҚШнинг Яқин Шарқ бўйича махсус вакили Стив Уиткофф ва бошқа воситачилардан “олган барча таклифларни рад этган”.
Нетаньяху идорасининг аниқлик киритишича, ЦАХАЛ зарбалари ҲАМАСнинг ҳарбий ва бошқарув салоҳиятини йўқ қилиш ва гаровга олинганларни қайтаришга қаратилган.
“Бундан буён Исроил ҲАМАСга қарши кучайган ҳарбий куч билан ҳаракат қилади”, дейилади идорада. “ЦАХАЛ операцияларини қайта тиклаш режалари ўтган ҳафта сиёсий эшелон томонидан маъқулланган”, дея қўшимча қилинади хабарда.
Исроил мудофаа кучлари, ўз навбатида, “Ғазо секторидаги ҲАМАС террорчи ташкилотига тегишли объектларга кучли зарбалар бераётгани” ҳақида хабар берди, деб хабар беради report.az.
