Ўзбекистонда истиқомат қилаётган корейсларнинг 85 йиллигига бағишланган тадбир 26 ноябрь куни Тошкент шаҳридаги «Халқлар дўстлиги» саройида бўлиб ўтади. Тадбирда 4000 га яқин маҳаллий ва хорижий меҳмонлар иштирок этиши, улар учун театрлаштирилган маданий дастур намойиш этилиши режалаштирилган.
Концерт дастури ташкилотчиси Ўзбекистондаги Корейс маданият марказлари уюшмаси вакиллари Корея Республикасининг «Eurasia Networks» компанияси президенти Ким Чанг Кеондан Жанубий Кореянинг таниқли эстрада хонадаларини таклиф этиш бўйича ёрдам сўради. Ўз навбатида, Ким Чанг Кеон Ўзбекистонда Жанубий Корея санъаткорларининг концертини тайёрлаш ва ўтказишга тайёр эканини билдирди.
Ўзбекистон элчихонаси маълумотларига кўра, концертда иштирок этиши режалаштирилган Жанубий Кореянинг машҳур ижрочилари Гил Гун ва Ким Жихюн нафақат Корея Республикасида балки, бутун дунёда машҳурдир.
Гиль Гон ва Ким Жихюн сафар олдидан Ўзбекистонда истиқомат қилаётган корейслар диаспорасининг 85 йиллигига бағишланган маданий тадбирдаги чиқишлари учун Ўзбекистонда муносиб ҳаёт кечираётган кореялик ватандошларга байрамона кайфият улашадиган қўшиқларни ижро этишларини таъкидлашди.
