Қайд этилишича, “Тоштемирйўллойиҳа” масъулияти чекланган жамияти томонидан Самарқанд вилоятининг Жомбой туманидан Ургутга томон узунлиги 50 километрдан ортиқ бўлган темирйўл қурилиши бошланди.
Жомбой туманидаги “МАN” заводи яқинидан бошланувчи янги темирйўл тармоғи 4Р-238 автомобиль йўлини кесиб, Зарафшон дарёси бўйлаб ўтади ва сўнгра ушбу дарё устида барпо этиладиган кўприк орқали Ургут туманига боради.
Шунингдек, темирйўл ўтадиган Жомбой, Самарқанд, Тойлоқ ва Ургут туманларининг аҳоли гавжум ҳудудларида бекатлар ташкил этилади. Масалан, Тожикистон Республикаси билан чегарадош Ургут туманида жойлашган «Жартепа» чегара божхона пости яқинида бекат қурилади.
Бу эса тожикистонликларга юртимиз бўйлаб темир йўл орқали ҳам саёҳат қилиш имконини беради.
