Тошкент шаҳар мактабгача ва мактаб таълими бошқармаси мазкур ҳолат юзасидан баёнот билан чиқди.
Аниқланишича, видеолавҳадаги воқеа 2024 йил 23 апрель куни Юнусобод туманидаги 235-сонли умумтаълим мактабида 8-«Б» синф ўқувчилари томонидан тарих фани дарси чоғида содир этилган.
Дарс жараёнига халақит қилиб, «картабозлик» қилган тўрт нафар ўқувчи ва уларнинг ота-оналари мактабга чақиртирилиб, Миллий гвардия, ИИБ ходимлари, психолог ҳамда мактаб маъмурияти иштирокида профилактик тушунтириш ишлари олиб борилган.
Ўқувчиларнинг ота-оналарига Маъмурий Кодекснинг 47-моддасига асосан жарима қўлланилди. 8-«Б» синф раҳбари Н.Б. га нисбатан интизомий чора кўрилди.
"Сизлардан илтимос, фарзандингизнинг фақат мактабга бориши эмас, балки унинг папкасида нималар борлиги, кўча-кўйда кимлар билан ўртоқлиги, дарсларни қандай ўзлаштираётганлиги билан ҳам қизиқсангиз айни муддао бўлур эди. Уларнинг ўсмирлик даври ёшидаги ўзгаришлар, қизиқишларини назоратга олиш ва фарзандларимизга зарур шарт-шароитлар яратиш келгусида фақат етук инсонлар бўлиб улғайиши учун замин яратади, холос", дейилади хабарда.
