Қувонарлиси, мазкур мусобақада иштирок этган бир қатор умидли спортчиларимиз барча рақибларини мағлуб этиб, чемпионликни тантана қилишди.
Дастлаб -32 кг вазн тоифасидаги лайт-контакт йўналишида баҳсларга киришган Абдураимов Асадбек финалда англиялик рақибини 3:0 хисобида мағлуб этиб, юртимиз байроғини юқорига кўтарди.
Шундан кейин -42 кг вазн тоифасидаги лоу-кик йўналиши финалида Боходиров Улуғбек Қозоғистон вакили Ердос Ерденни 3:0 хисобида мағлуб этиб, жаҳон чемпиони деган улуғ номга сазовор бўлди.
-45 кг вазн тоифасидаги фул-контакт йўналишида эса Ортиқов Миразиз Қозоғистонлик Казбек Баяҳметовни мағлуб этиб, мусобақанинг олтин медалини қўлга киритди.
-60 кг вазн тоифасидаги фул-контакт йўналишида иштирок этган Жумабоев Меҳрожни ҳам мағлуб этадиган рақиб топилмади.
