Ўзбекистонда коллеж ва техникумларга жами 106 256 та қабул квотаси тасдиқланди.
Бу ҳақда Олий таълим, фан ва инновациялар вазирлиги хабар берди.
Олий таълим, фан ва инновациялар вазирининг буйруғи билан 2024/2025 ўқув йилида коллеж ва техникумларга кундузги, кечки, сиртқи ва дуал таълим шакллари бўйича жами 106 256 та қабул квотаси тасдиқланди.
Шундан:
— 45 та коллеж учун — 15 минг 977 та;
— 218 та техникум учун — 90 минг 279 та.
Ҳозирда профессионал таълим тизими 3 турдаги жами 672 та муассаса: 333 та касб-ҳунар мактаби, 112 та коллеж ва 227 та техникумдан иборат бўлиб, ушбу муассасалар табақалашгани ва дастурлари ўртасида узвийлик бўлмагани натижасида уларнинг қувватларидан унумли фойдаланилмаётгани аниқланган.
“Касбий таълимда малакали кадрлар тайёрлаш тизимини янада такомиллаштириш ва халқаро таълим дастурларини жорий қилиш чора-тадбирлари тўғрисида”ги Президент Фармони (ПФ-158-сон, 16.10.2024 й.) қабул қилинди .
