Бу йилги Форум Финляндия, Грузия, Қозоғистон, Корея, Литва, Малайзия, АҚШ, Озарбайжон, Хитой, Гонконг, Тожикистон каби давлатларнинг антикоррупция идоралари, бир қатор халқаро ташкилотлар раҳбарияти ва ходимлари, халқаро экспертлар ҳамда фуқаролик жамияти вакилларини ўзида жамлади.

IV Тошкент аксилкоррупция форуми доирасида коррупцияга қарши курашиш соҳасига фаол ҳисса қўшиб келаётгани учун қуйидагилар алоҳида эътироф этилди:

• «Комплаенс-назорат» тизимини самарали жорий этган ташкилот сифатида — Ўзбекистон техник жиҳатдан тартибга солиш агентлиги
• Фаолият очиқлиги ва шаффофлигини таъминлашдаги саъй-ҳаракатлари учун — Рақобатни ривожлантириш ва истеъмолчилар ҳуқуқларини ҳимоя қилиш қўмитаси
• Коррупцияга қарши курашишда фаол иштирок этаётган ОАВ сифатида — «Ўзбекистон 24» телеканали «Янгликлар» таҳририяти
• Коррупцияга қарши курашишга ҳисса қўшган журналист сифатида — Мусулмонбек Иброҳимов
• Энг фаол коррупцияга қарши курашиш ҳудудий кенгаши — Қорақалпоғистон Республикаси ҳудудий кенгаши