Кайли Дженнер ўз лабларининг косметик операция натижаси эканлигини тан олиши билан аёллар орасида косметик муолажага қизиқиш ортиб кетди. Ёш аёлларнинг косметик жарроҳлик операция ўтказишларига нима туртки бермоқда? Ижтимоий тармоқларда кундан кунга гўзаллик стандартларининг ўзгариб бориши ёш аёлларга ўзини ўзи тўғри баҳолай олишга таъсир этмоқда.
Косметик жарроҳлик инсон қиёфасини ўзгартиришнинг тобора оммалашиб бораётган усулига айланиб бормоқда. 2010 йилдан 2018 йилгача косметик муолажалар ва операциялар сони деярли икки баравар кўпайди — 117 000 дан 225 000 дан ортиқ.
Жанубий Австралия университетининг яқинда ўтказган тадқиқотларига кўра, ижтимоий тармоқдан мунтазам фойдаланадиган ёш аёлларнинг аксарияти ўз кўринишидан қониқмайдиган ҳамда косметик жарроҳлик ўтказишга мойил эканлиги аниқланди. Тадқиқотда 238 нафар австралиялик аёллар (18-29 ёшли) қатнашиб, шунинг 16% аллақачон косметик жарроҳлик ўтказиб бўлганликлари, шуларнинг ярмидан кўпи (54%) келажакда жарроҳлик ўтказишни ўйлаб қўйганликлари маълум бўлди. Фақат 31% ушбу жарроҳлик амалиётини қилмасликларини билдиришган.
Муаммо шундаки, косметик жарроҳлик тарафдорларининг аксариятини ёшларни ташкил қилиб, ҳали ўз гўзалликларини йўқотмай туриб, нега кун сайин уларда ўз табиий кўринишларига нисбатан негатив муносабат шаклланиб улгурмоқдалигида? Тадқиқотчилар мазкур масала психологик жиҳатдан тадқиқ ўтказиш самаралилигини эътиборга олиб, онлайн ижтимоий сўров ўтказишди.
Сўровномада бир нечта саволлар орқали ижтимоий тармоқдан мунтазам фойдаланувчи, табиий чиройни афзал кўрувчи ва косметик жарроҳликка ижобий муносабат билдирувчи ёш аёллар ўртасидаги ўзаро қарашлар ва бир-бирига муносабатлари ўрганилди.
Унга кўра, табиий чиройни афзал кўрувчи аёллар косметик жарроҳлик тарафдорларига нисбатан негатив муносабатда эканликлари ҳамда ўз ташқи кўринишини ҳаддан ортиқ критика қилиш косметик жарроҳлик қилишга етаклаши англашилди. Ижтимоий тармоқдан фойдаланувчилар эса кўпроқ ўзини-ўзи солиштирувчи, ўз ташқи кўринишидан қониқмайдиган кайфиятдаги иштирокчилар эканлигини аниқланди. Ушбу тадқиқот ижтимоий тармоқлардан фойдаланиш ва косметик жарроҳликка бўлган муносабат ўртасидаги боғлиқлик юқорилигини кўрсатди.
