Ушбу талабалар АҚШ, Польша, Хитой ва Таиланд фуқаролари бўлиб, Ўзбекистонда туризм соҳасини ривожлантириш, хусусан, ёшлар туризмини ривожлантиришда амалга оширилаётган чора-тадбирларга қизиқиш билдирди.
Учрашув давомида халқаро майдонда туризм соҳасида учраётган муаммо ва камчиликлар борасида фикрлар алмашилди. Ҳозирги кунда туризм соҳаси ривожланган мамлакатларда туристлар оқими кўплиги ва уларнинг тарихий-маданий обидаларга ва экологияга зарари тўғрисида маълумотларга аҳамият берилиб, бу борада Ўзбекистонда олиб борилаётган туризм сиёсатига алоҳида эътибор қаратилди.
Талабаларнинг Ўзбекистонда туризм соҳасини ривожлантиришга бўлган қизиқишларини инобатга олган вазирлик маъмурияти томонидан уларга «Ўзбекистоннинг ёшлар туризм элчилари» мақоми бериш таклифи берилди, деб хабар беради Туризм ва маданий мерос вазирлиги матбуот хизмати.