Мактабгача ва мактаб таълими вазири Ҳилола Умарова амалий ташриф билан Навоийда бўлиб, вилоят ҳокимлиги фаоллар залида туман, шаҳар ҳокимлари, уларнинг ижтимоий масалалар бўйича ўринбосарлари, ҳудудий соҳа раҳбарлари иштирокида кенгайтирилган йиғилиш ўтказди.
Вазир Навоий вилоятидаги мавжуд ҳолатни таҳлил қилиб, вилоят ҳокими Нормат Турсунов раҳбарлигида олиб борилаётган таълим сиёсатидан қониқиш ҳосил қилганини таъкидлади. Мактабгача ва мактаб таълими бошқармаси бошлиғи лавозимига тайинланган Раъно Ҳайитовага ишонч билдиришини, вилоят пешқадамликни қўлдан бермаслигини таъкидлаб ўтди.
Ҳудудларда таълимни ривожлантиришдаги вазифаларни белгилаб олиш, бажарилиши лозим бўлган устувор мақсадларга эътибор қаратди. Таклифлар қабул қилиниб, уларни амалга оширишда ҳамкорликда ишлашга тайёрлигини билдирди.
