Ихтисослаштирилган таълим муассасалари агентлиги бу ҳақдаги маълумотларни тасдиқлаб, айни пайтда мазкур ҳолат юзасидан тегишли ўрганиш ишлари олиб борилаётганини маълум қилди.

Қайд этилишича, бу олимпиада саволлари Фан олимпиадалари маркази томонидан тузилиб, ҳар бир ҳудудда (ҳудудий бошқармаларда) марказлашган ҳолатда чоп этилмоқда.

«Шу муносабат билан, ҳудудлардаги Мактабгача ва мактаб таълими бошқармаларида ташкил этилган штабларда саволлар чоп этиш жараёнида айрим ходимларнинг зиммасидаги вазифага масъулиятсизлик билан ёндашгани, жараёнда адолатни таъминламагани оқибатида материаллар тарқалди», — дея қайд этган агентлик.

Агентлик бу ҳолатга сабабчи шахслар аниқланиши ва улар амалдаги қонунчилик доирасида жавобгарликка тортилишини маълум қилди.

Шунингдек, математика фанидан асосий олимпиаданинг туман (шаҳар) босқичи ҳар бир синф кесимида (9−10−11-синф) қайта ўтказилишини маълум қилди.

Агентлик олимпиада саволлари ёки жавоблари пул эвазига таклиф этилса, жараёнларга таниш-билишчилик ёки ноқонуний таъсир кўрсатиш ҳолатлари бўлса, Фан олимпиадалари марказнинг махсус боти ёки +998 71 207 05 24 телефон орқали хабар беришни сўради.