Бир ҳафта давомида ёққан кучли ёмғирдан сўнг йирик дарё ва кўлларда сув сатҳи рухсат этилган меъёрдан ошиб кетди. Бу Сэлбэ дарёсида тўғоннинг бузилишига олиб келди. Оқибатда Улан-Баторда 80 та уйнинг ертўласи ва биринчи қавати сув остида қолди. Юзлаб автомобилларга зарар етди. Одамлар ҳовли бўйлаб ҳаракатланиши учун қум тўлдирилган қоплардан ясалган йўллар ётқизилди. Ҳозирда Улан-Батор шаҳрида сув тошқини оқибатлари бартараф этмоқда. Мўғулистон бўйлаб ҳафта охиригача ёмғир ёғишда давом этади, деб хабар беради mir24.tv.