Сурхондарё вилояти ИИБ Ахборот хизматининг маълум қилишича, масъуллар томонидан ўрганилганда ушбу хабарлар асоссиз ва ҳақиқатдан йироқ экани кўринди.

Яъни, Қумқўрғон тумани Боботоғ маҳалласида юз берган мазкур ҳолатдаги шахслар Молдова Республикаси фуқаролари бўлиб, хўжалик буюмларини сотиб юрган ҳамда туман фуқаролари ўртасида келишмовчилик келиб чиққани аниқланди.

Ҳолат юзасидан тан жароҳати олганлар йўқ.

Ушбу ҳолат юзасидан Қумқўрғон тумани ИИБ томонидан суриштирув ишлари олиб борилмоқда.