Аввал хабар берганимиздек, Сурхондарё вилояти ҳокими Улуғбек Қосимов бошчилигидаги делегацияси икки давлат ўртасида чегараолди савдо-иқтисодий ҳамкорлик Қўшма комиссиясининг тўртинчи йиғилишида иштирок этиш учун Афғонистоннинг Балх вилоятига жўнаб кетганди.
Делегацияни Ҳайратон шаҳрида Балх вилояти губернаторининг ўринбосари Абу Идрис ҳамда бошқа расмийлар кутиб олди.
Унда савдо, транспорт, темир йўл ва таълим соҳаларидаги ҳамкорликни янги босқичга олиб чиқиш, геология йўналишида кооперация алоқаларини ўрнатиш, табиий пардозбоп тошлар хомашёсини ҳамкорликда қайта ишлаш, қумли чанг шамолларининг салбий таъсирини камайтириш мақсадида Амударё бўйига туташ ҳудудларда «Яшил белбоғ» ҳимоя ўрмонзорлари барпо қилиш масалалари муҳокама қилинмоқда.
Мажлисда Ўзбекистон Республикаси Президентининг Афғонистон бўйича махсус вакили Исматулла Иргашев ҳам иштирок этмоқда.