Қайд этилишича, «MyID» — рақамли идентификация қилиш тизими, Ахборот технологиялари ва коммуникацияларини ривожлантириш вазирлиги кўмагида ва илғор хорижий тажриба асосида UZINFOCOM Ягона интегратори томонидан ишлаб чиқилган.
Тизим ишлаш жараёнида номзоднинг юз томонидан аризада кўрсатилган фотосурат билан қиёсий аутентификация ўтказилмоқда. Бу эса номзодларни алмаштириш ҳолатларини ва ҳужжатларни текшириш бўйича кўп вақтни тежаш имконини берди. Мазкур тизим ёрдамида юз мингга яқин номзоднинг маълумотлари қайта ишланди.
Таъкидланишича, «MyID» тизими муваффақиятли равишда банк соҳасида фойдаланилмоқда. Ҳозирги кунда тизимда 40 мингдан ортиқ фойдаланувчи рўйхатга олинган. Синов даврида (жорий йилнинг май-июл ойларида) тизим орқали 86,8 мингдан ортиқ сўровномалар қайта ишланди.
