«Ўзбеккосмос» агентлиги ва «STAR.VISION» компанияси ўртасида имзоланган меморандумга кўра, ушбу йўлдошга «Самарқанд-2028» номи берилади.
Бу ном 2028 йилда Самарқандда ўтказиладиган «Халқаро астраонавтика конгресси» билан боғлиқ рамзий аҳамиятга эга.
Меморандум доирасида яна бир муҳим жиҳат — йўлдош учун сунъий интеллект модулини айнан «Ўзбеккосмос» агентлиги мутахассислари ишлаб чиқади. Ушбу модуль юқори аниқликдаги космик суратлардан самарали фойдаланиш имконини беради.
Маълумотларга кўра, «Самарқанд-2028» йўлдоши Ерни масофадан зондлаш (DZZ) технологиялари асосида қатор соҳаларда қўлланилади. Жумладан:
- ҳаво сифатини бирламчи баҳолаш;
- қишлоқ хўжалиги экинларини мониторинг қилиш;
- ўрмон майдонтлари ҳолатини кузатиб бориш.
Ўзбекистоннинг ушбу халқаро космик лойиҳада иштирок этиши мамлакатнинг фазовий технологиялар соҳасидаги ривожланиш йўлида яна бир муҳим қадам сифатида баҳоланмоқда.
