Ҳужум уюштирган шахс поезд Новосибирск вилоятига (Россия Федерацияси) етиб келганида қўлга олинди. Жиноий иш қўзғатилди, деб хабар берди ИИВ вакили Ирина Волк Telegramда.
Унинг сўзларига кўра, ҳужум уюштирган шахс эркак ва аёлни пичоқлаган. Поезд Новосибирск вилоятининг Барабинск вокзалига етиб келганида, полиция йўловчиларни вагондан эвакуация қилган, сўнгра гумонланувчини қўлга олган.
Жабрланганлар шифохонага ётқизилди, жароҳатларнинг оғирлик даражаси ҳақида маълумот берилмади. Қўлга олинган шахс навбатчилик қисмига олиб кетилди. Россия Федерацияси Жиноят кодексининг 30 ва 105-моддаси (қотилликка уриниш) моддаси бўйича жиноий иш очилди. Жиноятчининг мақсади нима бўлгани номаълум, деб хабар беради kommersant.ru.