Бу ҳақда РБК-Украина Буюк Британия Бош вазири Кир Стармер баёнотига таяниб хабар берди.
“Яқинда Европада нацизм устидан қозонилган ғалабанинг 80 йиллиги бўлади ва Америка ва Буюк Британия тинчликка эришиш учун ёнма-ён туришган. Энди эса биз Украинадаги урушни тўхтатиш тарафдоримиз”, дея таъкидлади Бош вазир.
У АҚШга урушни тўхтатиш бўйича ёндашуви учун миннатдорчилик билдирди ва бу Украина ва бутун дунёда яхши қабул қилинадиган келишув бўлиши кераклигини таъкидлади.
“АҚШ бу келишувни қўллаб-қувватлаш учун самолёт ва қурол-яроғ билан таъминлаши мумкин. Фақат шу йўл билан тинчлик давом этади. Биз Путинга бу урушни қайта бошлаш имкониятини бермаймиз. Европа етакчилари бу борада бизни қўллаб-қувватламоқда”, деди Стармер.
Шу билан бирга, Буюк Британия Бош вазири унинг мамлакати ҳамма нарсага тайёрлигини, жумладан, “ҳарбий хизматчиларидан тинчликпарвар сифатида фойдаланишни, чунки бу тинчликка олиб борадиган ягона йўл” эканини таъкидлади.
“Мен Европа етакчилари билан яқиндан ҳамкорлик қиляпман ва Буюк Британия иттифоқчиларимиз билан биргаликда келишувни қўллаб-қувватлаш учун қуруқликдаги қўшинлари юбориш ва самолётлари ҳавога кўтаришга тайёрлигини аниқ айтаман, чунки бу тинчлик барқарор бўлишининг ягона йўли”, дея қўшимча қилди у.
27 февраль куни АҚШ Президенти Дональд Трамп Буюк Британия Бош вазири Кир Стармер билан учрашув ўтказди. Сиёсатчилар, хусусан, Россиянинг Украинага қарши урушини муҳокама қилишди, деб хабар беради rbc.ua.
Суҳбат чоғида Трамп АҚШ Украина ва Россия билан “яхши музокаралар” олиб борганини таъкидлади. Бунинг шарофати билан, унинг сўзларига кўра, тинчлик келишуви масаласида сезиларли муваффақиятлар бор.
