“Менимча, биз аллақачон катта ютуқларга эришдик”, дея унинг сўзларидан иқтибос келтиради AFP.
Журналистнинг Россия Президенти Владимир Путинга ишониш мумкинми деган саволига Трамп “ишон, лекин текшир” деган мақол билан жавоб берди. Шу билан бирга, АҚШ Президентининг сўзларига кўра, агар Путин Киев билан тинчлик шартномаси тузса, уни бузади ва яна Украинага бостириб киради, деб “ўйламайди”.
Шунингдек, Трампдан Украинага европалик тинчликпарвар кучларнинг юборилиши НАТО шартномасининг 5-моддаси ишга солиниши мумкинлигидан қўрқмайдими, деб сўралди, яъни альянснинг аъзоларидан бири ҳужумга учраган тақдирда унинг барча аъзолари унга ёрдам беришлари талаб қилинади. “Менимча, бизда бунга ҳеч қандай сабаб бўлмайди”, деб жавоб берди АҚШ Президенти. Унинг қўшимча қилишича, у умуман олганда ушбу моддада қайд этилган НАТОнинг жамоавий мудофаа тамойилини қўллаб-қувватлайди.
Трамп Украинада потенциал тинчликпарварлик миссияси тафсилотларини муҳокама қилишдан бош тортди ва аввало Москва ва Киев ўртасида тинчлик келишувига эришмоқчи эканини айтди, деб хабар беради dw.com.
