Қонун лойиҳаси билан ижтимоий-иктисодий вазиятдан келиб чиқиб, ижросини кечиктириб бўлмайдиган муҳим лойиҳаларга зарур маблағлар ажратиш орқали уларни амалга ошириш мақсадида давлат бюджети параметрларига айрим ўзгартишлар киритилмоқда, дея хабар беради ЎзА.
Таъкидланишича, мазкур ўзгартишлар натижасида 2021/2022 ўқув йилидан олий таълим муассасаларига давлат грантида қабул кўрсаткичлари 25 фоизга оширилади, эҳтиёжманд оилалар қизларига ажратиладиган грантлар 2 баробарга кўпайтирилиб, улар 2 мингтага етказилади.
Қонун лойиҳаси билан олис ҳудудларда бирламчи ва ихтисослашган тиббий ёрдам кўрсатиш ва эҳтиёжманд аҳоли учун скрининг ва даволаш тадбирларига хусусий шифохоналар ҳам жалб қилиниб, уларга субсидия ажратиш йўлга қўйилади ҳамда бюджетдан қўшимча маблағлар ажратилиб, эндокрин касалликларни эрта аниқлаш ва даволаш мақсадида муассасаларнинг моддий-техника базаси мустаҳкамланади.
